اصعب حب....

**Salam** السبت أبريل 30, 2011 5:38 pm

اصعب حب
اما تلاقي اللي انت تحبه مبيحبكش
واما تعدي ادامه ميشوفكش
ميحسكش
تقول يارتني ماحبيت
...وتبقى عايز تبوس الايادي
وتقف وبعلو الصوت تنادي
انا خدامك وتحت رجليكي
واعمل كل اللي يرضيكي
بس تعدي ثواني
وتفكر تاني
ليه اركع لانسان اناني؟
هو يطلع مين؟
ما اركعش الا للي خلقني وسواني
ورفع فوق كل المخلوقات مكاني
ومن نعمة حباني
واداني عقل افكر بيه
وقت ما قلبي يخون عهده
يبقى مالوش لازمة
هدوس على قلبي بالجذمة
قال اصعب حب قال
حب رخيص يتمنوه الاهل بالمال
حب يتنسي لما نتلخم في دوشة العيال
حب يروح مطرح ما راح الجمال
حب ايه اللي انت جاي تقول عليه
انت عارف ابله معنى الحب ايه
اللي عرفته انك عليه خايف وادامه ضعيف
اللي عرفته انك تقول شعر وكلام لطيف
عشان تقول عليك ظريف
لا يا خفيف
الحب رجولة والتزام
وانت مبتعرفش تحب